Om oss

Bjørnar har jobba med nettsider og webapplikasjoner sidan han var ungdom. Då han fylte 18 år etablerte han eit enkeltpersonføretak for å byrja å jobba for ulike kundar. Bjørnar er over snittet oppteken av design, og jobbar tett med dyktige designarar for å laga nettsider og andre digitale løysingar av høg kvalitet.

Marek jobbar med den daglege drifta i Grensesnitt, og sørger for at alle trivst best mogleg hos oss. Med eit auge for detaljar og ei genuin interesse for å levera den beste brukaropplevinga, bidrar Marek til at Grensesnitt leverar høg kvalitet i alle ledd. Marek har ei utdanning innan økonomi, men har jobba med IT-faget sidan 2005.

Vegard Hanssen har jobba med både utvikling og drift i 20 år. Han har hatt driftsansvar for XaitPorter – eit forretningskritisk system for anbodsprosessar for olje- og energisektoren (m.m.). Han er over snittet interessert i sudoku, og har gitt ut over 40 bøker om sudoku gjennom Cappelen Damm. Vegard er vårt Mensa-medlem som tar komplekse algoritmeoppgåver på strak arm.

Bakgrunnen som industridesignar gjer at Martha er særs oppteken av å laga godt designa løysingar som er enkle og effektive å bruka. Ho likar godt å setja seg inn i nye bransjar og er ikkje framand for komplekse utfordringar. Basert på forståinga av utfordringa, kombinerar og balanserar ho forretningsmål og brukaroppgåver og drar dette over i konkrete skisser og digitale prototypar. Før ho kom til oss i Grensesnitt har Martha jobba i 13 år i Netlife Design i Oslo, eit av Noregs fremste digitalbyrå.

Bjørn har jobba i reklame- og kommunikasjonsbyrå i 5 år som utviklar og designar. Han har laga kunstinstallasjoner, portalsider, kampanjesider, spel, quiz for kundar og designarar med stormannsgalskap. Bjørn trivst best når han får jobba med sprø idear og kundar som forstår verdien av godt design.

Hege er utdanna dataingeniør frå UiS, og ønsker med denne bakgrunnen å kunna bidra med ny kunnskap. Ho er veldig interessert i webteknologiar og er oppteken av design og brukaropplevingar. I hovudsak jobbar ho med WordPress-løysinger der hovudmålet alltid er fornøgde kundar og brukarar.

Lukas er sjølvlært kodar og har tidlegare jobba innanfor filmbransjen og med foto-retusjering. Dette har gitt han eit skarpt blikk for visuelle detaljar, og dette brukar han til å lage elegante, digitale løysingar for våre kvalitetsmedvitne kundar.

Lisa har studert japansk kultur og språk, 3D-modellering, animasjon og front-end utvikling. Ho likar alt frå «over the top» spanande løysingar med ville utfordringar til minimalistisk design med god brukarvenlegheit.

Runar har ein bachelor i datateknologi fra UiB. Tidlegare har han jobba 3 år som utviklar for fintech-selskapet Stacc i Bergen, og før det 2 år med transportplanleggingssystemet til Zendera i Oslo. Runar trivst best i backendkoden og likar gode teknologiske utfordringar.

Henning har ein bachelor i informasjon- og kommunikasjonsteknologi frå UiB. Gjennom heile utdanninga har han arbeida 2 år hos Zendera som frontendutviklar, og 2 år hos Styreportalen som fullstackutviklar. Henning er alltid klar for nye utfordringar og likar å prøva ut nye teknologiar for å løysa dei.

Andrea har fagbrev innan grafisk design og frontendutvikling. Ho er oppteken av å skapa nettsider og digitale løysingar som både er visuelt fine og brukarvenlege – både på framsida og på baksida. Andrea trivst med eit høgt tempo og tar kreative utfordringar på strak arm.

Astrid har fagskulegrad i UX design. I tillegg har ho ei mastergrad i musikkvitanskap og etterutdanning i prosjektleiing. I mastergraden brukte ho kvalitative intervju som primærmetode, og er godt driven i brukarundersøkingar og analysar av dei. Ho har jobba mykje med nettsider og tekniske løysingar i ulike bransjar, og er derfor god til å setja seg inn i kva for nokre behov og utfordringar forskjellige bransjar har. Astrid har erfaring med redaktørrolla i WordPress, og kjenner derfor oppsettet godt.

Sindre trivst med alt som utfordrar og vert trigga av kreative prosjekt. Før han kom til oss jobba han 4 år som webdesignar i eit reklamebyrå på Forus, men var etterkvart klar for nye utfordringar sør for Skjævelandsbrunå. Med eit over gjennomsnittleg energinivå går overskuddsenergien etter arbeidsdagen til 5. divisjonsfotball på Klebe, løping, ski, squash og fjellturar.